Legatza marinel erara

• Arrainen aurreelaborazioak.

 Errezeta hau egiteko hurrengo elaborazioak beharrezkoak dira:

• Prestatu fumeta.
• Tomate-saltsa egin.
• Egosi arrautzak.
• Desizoztu muskuiluak eta kendu bizarrak.
• Hornigaitarako baratxuria, tipula eta porrua brunoisean moztu eta sueztitu.

Hemendik aurrera bi elaborazio mota desberdinen artean aukeratu ahal dugu:

• 1. prestaera: sukaldaritza-teknika: kontzentrazio bidezko egosketa saltsa baten (velouté-aren) barruan.

Jarri hornigaiarakoko barazkiak  oliba-olio sendoarekin ontzi apropos batean, gehitu irina (40 g/l) eta utzi egiten, gehitu piperrauts pixka bat, ardo zuria, fumeta, tomate-saltsa eta utzi irakiten, jarri gatz-puntuan.

Sartu arraina, aldez aurretik onduta, eta utzi egosten, egin arte.
Gehitu muskuiluak.
Sutatik kanpo bota perrexila gainetik eta jarri arrautzak gainean, laurdenetan edo erditan.

• 2. prestaera: sukaldaritza-teknika: ragouta.

Ondu eta irineztatu arraina.

Sueztitu hornigaitarako barazkiak  oliba-olio sedotan hontzi batean, gehitu irina (gutxi, jada irineztatua baitago) eta arraina, utzi pixka bat egiten alde horretatik. Bota arrainaren gainetik piperrauts pixka bat eta eman buelta, utzi  pixka bat egiten beste alde horretatik.

Busti ardo zuri pixka batekin eta fumetarekin, arraina zertxobait estali arte, tomate-saltsarekin koloreztatu, ondu eta utzi egosten egina egon arte.
Jarri muskuilu egosiak gainean, bota gainetik perrexila eta jarri arrautzak erditan edo laurdenetan.