Mantxako gazta

Espainiako gazta da, ardi-esnearekin prestatzen dena eta Mantxako jatorri-deiturak babesten duena.

Gaztaren orea zapaltzen da, Mantxako arrazako ardi-esnearekin prestatzen da, umotze prozesuak gutxienez 30 egun irauten du gaztak 1,5 kg-ko edo gutxiagoko pisua badu, eta pisu gehiago duten gazten umotze prozesuak gutxienez 60 egun eta gehienez 2 urte irauten du.

Ezaugarri organoleptikoei dagokienez, gaztaren azala gogorra da, hori argi kolorekoa edo berdexka-beltzaxka. Gaztaren oreak itxura homogeneoa izan behar du eta kolorea txuria izan daiteke edo horixka edo marfil kolorekoa.

Gaztaren xerrek begi txikiak izan behar dituzte, eta xerrak ez du simetrikoa izan behar. Batzuetan, begiak ez daude. Testurari dagokionez, ez da batere malgua, gantzatsua da, pixka bat irintsua eta pikortsua gazta oso umotuetan. Esne usaina dauka, usain garratz bizia eta iraunkorra, umotuagoak dauden gaztetan mina bihurtzen dena eta oso iraunkorra dena.

Zaporeari dagokionez, nahiko garratza, bizia eta zaporetsua da, eta umotuagoak dauden gaztak zapore mina dute. Mantxako ardi-esneak zapore atsegin eta berezia ematen dio. Bere zaporearen konplexutasuna umotzearen araberakoa da.

Argizariz estalitako azalak alde batean antzinako espartzuko gerrikoa izan behar du. Argizariaren koloreak gaztaren adina adierazten du. Orea marfil kolorekoa izan behar du, begi txiki eta irregularrez betea.