Lupia

Zilar-koloreko arrain bat da; orban beltz bat dauka operkuluaren gainean, eta asko nabarmentzen zaizkio bere ezkata handi eta gogorrak. Bizkarraldeko bi hegatsak luzera berekoak ditu. Irits daiteke 80 cm luze eta 5 - 7 kg izatera.

Arrain taldekoiez elikatzen da, batez ere antxoa eta sardina, eta talde txikitan bizi ohi da, itsasertz harritsuen eta ibai-bokaleen inguruetan.

Duen aseezintasunagatik bereizten da.

Urte osoan arrantzatzen da, baina gutxi izaten da udaberrian. Anoako lupia 250 - 300 g artean ibili ohi da.

Berez . arrain zuria da, baina izan daiteke arrain erdikoipetsua ere, urte-sasoiaren eta elikaduraren arabera. Ur gaziko arraina da.