Gaztanbera

Hego Amerikako herrialde batzuetan ricota (italianoz ricotta, eta latinez recocta ‘gehiegi egosia’) deitzen diote gaztanberari. Ore biguneko gaztak egiterakoan hondakin gisa geratutako esne-gazurretik ateratzen den gazta da.

Gaztaren gazur hartzituetatik lortzen da. Gazta 90º C-tan berotzen da proteinek ore gantzatsua, biguna eta txuria sor ditzaten. Jatorriz, gaztanbera ahuntz- edo ardi-esnearen gazurrarekin prestatzen zen baina, gaur egun, behi-esnearen gazurra erabiltzen da batez ere.

Zapore leuna eta gozoa duen esnekia da. Bakarrik jan daiteke, beste elikagai batzuekin (entsaladak, barazkiak, tostadak) edo errezeta gozoak edo gaziak prestatzeko erabil daiteke. Gazta edo esne-gainarekin egiten diren postreak prestatzeko aproposa da, plateraren kaloriak murrizten baititu.