Cava

Kalitatezko ardo apartsua, gehinebat Katalunian ekoizten dena, botilan eginiko hartzidura tradizionalari jarraituz. Gehitzen zaion likore kopuruaren arabera cava mota ezberdinak lortzen dira.

Jatorri espainiarreko sor-marka bakarra da jatorri geografikoa metodoaren (champanoise tradizionalaren) aurretik jartzen duena; ekoizpen-lurralde batzuk oso definituta daude, eta horietan, ezin zaio ardo apartsu bat cava izenez etiketatu ez bada aitorpen ofizialeko inguru edo ardotegietan ekoitzi. Honakoak dira lurraldeok: Pendes, noski, Costers del Segre eta Alellako inguru kataluniarrak, Errioxako eta Utiel-Requenako inguru batzuk, eta baita penintsulan zehar banatuta dauden ardotegi batzuk; horiek ardo apartsuak ekoizteko metodo tradizionala erabiltzen dela ziurtatu behar izan dute.