Campari

Campari-a graduazio ertaineko koktela da, bizigarri eta freskagarria; janaurreko gisa har genezake, kolore gorri bereizgarria du eta zapore mikatza. Grupo Campari da markaren jabe.

Campariaren zapore bereizgarria 60 osagai baino gehiagoren konbinaketaren ondorio da. Belarrez, espeziaz, eta fruta birrindurez eta azalez egiten da, eta horien artean, kinina, arabarba, laranja garratza eta arabisagarra dira nabarmenenak. Mitoaren arabera, kolore gorrixka dordokaren oskoletik lortzen zen; gaur egun, ordea, kotxinilak, hots, likoreak gorritzeko erabiltzen den koloratzaileak ematen dio kolorea.
Biterren familiakoa izan arren, horiek baino graduazio baxuagoa du; biter gehienek 28,5º ingurukoa izaten dute.