Paraguaioa

Paraguaioa (Prunus persica var. platycarp) mertxikaren aldaera bat da eta mutazio genetiko baten bidez sortzen da. Azal leuna du, mertxikaren beste aldaera askok bezala, baina besteek ez bezala forma zapaldua du eta aldaera guztien artean tamaina txikiena duena da.

Mertxikak bezala, paraguaioak ere Asian omen du jatorria.

Freskoak, gozoak eta urtsuak dira, nahiz eta paraguaio motaren arabera ezaugarriok aldatu egiten diren. Pulpa zuriagoa ala laranjatua duten paraguaioak aurki ditzakegu, azalari gehiago ala gutxiago itsasten zaion hezurdunak, azal gorriztagoa ala berdexkagoa dutenak. Izan ere, fruitu horrek, mertxika edo nektarina bezain ospetsua izan ez arren, aldaera anitz ditu.

Udara da paraguaioa jateko garairik onena.