Enbutitzeko makina

Erabilerak: Hainbat kalibretako hesteen barnean edozein ore-mota sartzeko erabiltzen da enbutitzeko makina, horrela hestebete freskoak, onduak edo egosiak eiteko. Akopla dakioke pieza berezi bat ere, hanburgesak egiteko.

Segurtasuna eta garbitasuna: Inoiz ez da ireki behar makina, enboloa libratu gabe eta barruan orea daukala. Barruko kubeta ur beroarekin eta detergente egokiarekin garbitzen da.

Funtzionamendua: Lehenengo urratsa kubeta betetzea izango da, arreta berezia jarriz orea ondo trinkotzeko, barruan aire-poltsarik gera ez dadin. Ondoren, makina itxi eta inbutu egokia ipini (prestakinaren araberakoa). Inbutuaren muturra heste osoan sartu, eta izterreko pedalari eman, harik eta orea inbutuaren muturretik irteten hasten den arte (aire-poltsarik ez sortzeko). Une horretan heste-muturra lotu eta pixkana-pixkana betetzen hasi. Makinan jarritako masa bukatzen zaigunean, pedalari utzi egin behar zaio enboloa jaitsi eta berriro bete ahal izateko.