Txerri iberikoaren txorizoa

Espainiako haragi-produktu tipikoa da. Esan daiteke beste herrialdeetan ez dagoela hestebeterik baratxuria eta piperrautsa osagai nagusi dituenik. Bi osagai horiek dira txorizoaren elaborazioaren oinarria.

Txorizoaren fabrikazio-prozesu tradizionalak zenbait fase ditu:

Haragia eta urdaia xehatzen dira, gainerako osagaiekin nahasten dira, eta masa toki fresko batean uzten da gau batez. Gero, masa zerri-hesteetan sartu, lotu eta inguru natural batean uzten dira txorizoak, aire librean. Leku egokiak aukeratu behar dira, tenperatura eta hezetasun-maila kontuan hartuta.

Ontze-garaian, lehortzeko eta testura tinkoa lortzeko prozesuak gertatzen dira. Aldi berean, aroma ere garatzen du, usain naturalak eta hestebetearen masaren osagaietako mikrobio-jarduera nahastuta.

Txorizo lodi zuria eta gorria: ezkur-zerri iberikoaren giharrarekin eta txerriaren besoarekin (% 30) eginak. Beratze-aldiak 24 ordu irauten ditu, eta, ondoren, 50 egun pasatzen dituzte upategian ontzen.