Mini alberjinia

Izen bereko landarearen --patataren familiako urteko belarki baten fruitua.

Jatorriz Indiakoa bada ere (duela 1.200 urte baino gehiago ekarria), persieratik datorkio izena: ´badindjan´, eta gero arabierara pasatu zen. Ez zuten ezagutu antzinate klasikoko greziarrek eta erromatarrek. Arabiarrek sartu zuten Europara, Iberiar Penintsulatik barrena. Alberjiniari buruzko gaztelaniazko lehen aipamena Baenako Kantutegian egiten da (XV. mendea).

Alberjiniak antozianina bat dauka azalean: nasunina [delfinina-3-(p-kumaroilrutinosidoa)]-5-glukosidoa, eragin antioxidatzailea duena eta odoleko lipidoen oxidaziotik (gaixotasun kardiobaskularren eragileetatik) babesten duena.

Horrez gain, ikerlan batzuek diotenez, alberjinian dauden flabonoide batzuek lagun dezakete kolesterol maila jaisten, berorren metabolismoa modulatuz eta gehiago iraitziz.